Սուրեն Պետրոսյանն ու ևս 20 քաղաքացի Նոյեմբերյանի բաժնում են, Մախսուդյանը վնասվածքներ ունի, նրան բաց են թողել

News.am-ը գրում է

Ավելի քան 20 քաղաքացու ոստիկանները բերման են ենթարկել Այրումից Բագրատաշենի անցակետ տանող ճանապարհահատվածից, որը սահմանամերձ գյուղերի բնակիչները փակել էին՝ ընդվզելով Տավուշում մեկնարկած սահմանազատման գործընթացի դեմ՝ պահանջելով տարածքներ չզիջել Ադրբեջանին։

NEWS.am-ի տեղեկություններով՝ քաղաքագետ Սուրեն Պետրոսյանը շուրջ 20 քաղաքացու հետ այս պահին Ոստիկանության Նոյեմբերյանի բաժնում են, պահեստազորի գնդապետ Միհրան Մախսուդյանը, որը ևս բերման էր ենթարկվել, ազատ է արձակվել, սակայն նա մարմնական վնասվածքներ ունի։

Քիչ առաջ ոստիկանության ուժերը՝ այդ թվում կարմիրբերետավորները բիրտ ուժ կիրառելով բացել էին Բագրատաշենի անցակետ տանող ճանապարհն ու սկսել բերման ենթարկել քաղաքացիներին։