Առաջին մասը կարող եք կարդալ այստեղ.
5. Ապահովագրություն աստերոիդներից/ասուպներից
Երբեմն լուրերով հեռարձակում են հաղորդումներ, որոնցում լուսաբանվում են այն վտանգները, որոնք կարող են առաջանալ աստերոիդի ու Երկիր մոլորակի բախումից: Աստերոիդի հարվածի հետևանքները կարող են շատ սարսափելի լինել: Քանի որ նման բախումը հնարավոր է, ըստ որոշ գիտնականների` անգամ հավանական, որոշ ապահովագրական ընկերություններ պատրաստակամ են փոխհատուցել այդ աղետի հետևանքով առաջացած վտանգները: Ամբողջ խնդիրն այն է, որ եթե ինչ-որ աստերոիդ բախվի Երկիր մոլորակին, հազիվ թե որևէ ապահովագրական ընկերություն փրկվի այդ աղետից, որպեսզի կարողանա փոխհատուցել մարդկանց կրած վնասները, ոչ էլ այդ մարդիկ ողջ կլինեն, որպեսզի ստանան փոխհատուցվող գումարը: Անշուշտ, հնարավոր է, որ լինի այնպիսի մետեորային հարված, որի հետևանքով ողջ աշխարհը չի ավիրվի: Այդ դեպքում ապահովագրության այս տեսակը գուցե օլգտակար լինի աղետից փրկվածների համար:
4. Քրիստոսի խնամքի հետ կապված ապահովագրություն
Սա կատակ չէ: Ժամանակին ապրում էին քույրեր, ովքեր օգտվել են մի ապահովագրական ծառայությունից, որն իր վրա պատասխանատվություն էր ստանձնել փակել իրենց երեխային խնամքի հետ կապված ծախսերը, եթե հանկարծ քույրերի հետ ինչ-որ դժբախտություն պատահեր: Զարմանալին այն է, որ այս քույրերը կարծում էին, թե իրենցից մեկը պետք է ընտրվեր Հիսուս Քրիստոսին ծնելու համար: Նրանք հավատացած էին, որ Քրիստոսի երկրորդ գալուստից առաջ իրենցից մեկը պետք է հղիանար և ծներ Քրիստոսին: Այս քույրերը չէին հավատում, որ երկրորդ գալստյան ժամանակ Քրիստոսը երկնքից է իջնելու: Այս ապահովագրական ծառայությունը տրամադրող ընկերության ներկայացուցիչը նշել է, որ բազմաթիվ բողոքներ ստանալուց հետո իրենց ընկերությունը հրաժարվել է սպասարկել քույրերին: Սա իրոք ապշեցուցիչ դեպք է: Ախր եթե իրոք հավատացյալ ես և կարծում ես, թե դու ես ընտրվելու Քրիստոսին ծնելու համար, ապա ի՞նչն է խանգարում հավատալ, որ առանց ապահովագրական ընկերության էլ Աստված կհոգա քո ծախսերը:
3. «Գերաստղ» աշխատակիցների ապահովագրություն
Ցանկացած բիզնեսում կան աշխատակիցներ, որոնք այնքան լավ են տիրապետում իրրենց աշխատանքին, որ անփոխարինելի են համարվում: Նրանք ասես իրենց ընկերության «գերաստղը» լինեն: Այս աշխատակիցները հոգում են, որպեսզի բիզնեսն անխափաան կերպով առաջ ընթանա և շահութաբեր լինի: Այսպիսի աշխատակիցների կորուստը կարող է անդառնալի հետևանքներ ունենալ գործատուների համար: Այս աշխատակիցների` աշխատանքից դուրս գալու հետ կապված վնասները կասեցնելու (կամ գոնե նվազեցնելու) համար որոշ կազմակերպություններ օգտվում են «աստղ-աշխատակիցների» ապահովագրությունից: Նրանց համար բիզնեսի առաջընթացն ապահովելու լավագույն տարբերակն աշխատակիցների ապահովագրումն է:
2. Ապահովագրություն գերբնական հարձակումից
Եթե հաճախ եք կինոնկարներ դիտում կամ գեղարվեստական գրականություն ընթերցում, ձեր մտքով հավանաբար անցած կլինի, որ վամպիրներ, մարդագայլեր և այլ հրեշներ իրականում գոյություն ունեն: Կան բազում մարդիկ, ովքեր հավատում են ուրվականների և դևերի գոյությանը: Եթե դուք իրոք հավատում եք, որ ինչ-որ ուրվական կամ վամպիր կարող է սպանել ձեզ, կգտնվեն ապահովագրական ընկերություններ, որոնք ձեզ կապահովագրեն այդպիսի դժբախտությունից: Ապահովագրական ընկերությունից փոխհատուցում ստանալու համար ձեր հարազատները պարզապես պետք է ապացուցեն, որ ձեզ խոշտանգել է ինչ-որ ուրվական կամ հրեշ: Բավականին պարզ մեխանիզմ է գործում: Անշուշտ, կարող է և այնպես պատահել, որ ձեր և վամպիրի կամ ուրվականի միջև սիրավեպ սկսի: Այդ դեպքում դուք կարող եք օգտվել սիրո ապահովագրությունից (տես հոդվածի առաջին մասը): Բացի այդ, պետք է հաշվի առնել, որ ուրվականները միայն սենյակի իրերն են խորհրդավոր կերպով տեղաշարժում և լույսերի առկայծումներ առաջացնում: Այնուամենայնիվ, երբեք չեք իմանա, թե ինչ կարելի է ակնկալել գերբնական արարածներից, ուստի ավելի լավ է ապահովագրվել: Ապահովագրության այս դասին է պատկանում նաև այլմոլորակայինների կողմից առևանգման դեմ ապահովագրությունը: Այո, եթե ձեզ երբևէ հաջողվի խույս տալ այլմոլորակայինների մոտից, ապա ապահովագրական ընկերությունը կփոխհատուցի ձեր վնասները: Սուրբ Լոուրենսի գործակալությունը նոր հաճախորդների համար գրանցման առցանց համակարգ է ստեղծել, որը թույլ է տալիս նաև այս ապահովագրությունից օգտվելու առցանց դիմում լրացնել: Մի այլ Եվրոպական ծառայություն հաղորդել է, որ իրեն հաջողվել է վաճառել շուրջ 30,000 այդպիսի ապահովագրական փաթեթ: Ո՞վ գիտե, գուցե այլմոլորակայինները որպես թիրախ ընտրում են հենց եվոպացիներին:
1. Հարսանեկան ապահովագրություն
Հարսանեկան արարողության հետ կապված ծախսերն այնքան շատ են, որ հարսանեկան ապահովագրությունը մեր օրերում այլևս տարօրինակ չի դիտարկվում: Դեռ ավելին, շատերի համար ապահովագրության այս տեսակն ուղղակի անհրաժեշտություն է: Եթե հարսանեկան միջոցառման վրա ծախսում եք տասնյակ հազարավոր դոլարներ, դուք հավանաբար կցանկանաք ապահովագրված լինել հարսանիքի հնարավոր ձախողումներից (օրինակ` անսպասելի հեղեղ կամ կատաղած զոքանչ, ով դեմ է ձեր ամուսնությանը): Ըստ «Fireman’s Fund» ապահովագրական գործակալության` հարսանեկան ապահովագրությամբ փոխհատուցվում են միայն ֆինանսական ծախսերը: Սա նշանակում է, որ եթե օրինակ` հարսնացուն կամ փեսացուն հանկարծ կորի, ապահովագրական ընկերությունը ոչ մի փոխհատուցում չի տրամադրի դրա համար: Սակայն եթե օրինակ, հարսանեկան արարողության ժամանակ ցունամի սկսվի, դուք կարող եք հետ ստանալ ձեր ծախսած գումարները:
