Չի համապատասխանում իրականությանը․ ՀՀ ՊՆ-ն հերքում է՝ Բաքվի հայտարարությունը

Ադրբեջանի ՊՆ-ի հաղորդագրությունն այն մասին, թե փետրվարի 23-ին ՀՀ ԶՈւ-ն, իբրև, կրակ է բացել սահմանագոտու արևելյան ուղղությամբ տեղակայված ադրբեջանական դիրքերի ուղղությամբ չի համապատասխանում իրականությանը։

Այս մասին Tert.am-ին հայտնեց ՀՀ ՊՆ մամուլի խոսնակ Արամ Թորոսյանն՝ անդրադառնալով Ադրբեջանի ՊՆ-ի տարածած տեղեկությանը։

Հիշեցնենք, որ Ադրբեջանի ՊՆ-ն հայտնել է, թե, իբր, ՀՀ ԶՈւ-ն գնդակոծել է Քարվաճառի ուղղությամբ տեղակայված ադրբեջանական դիրքերը, սակայն իրենք պատասխան միջոցներ չեն ձեռնարկվել իրավիճակը չսրելու համար: