ԱՄՆ-ն և Մեծ Բրիտանիան նոր հարվածներ են հասցրել Եմենին

Lurer.com-ը գրում է.

ԱՄՆ-ն և Մեծ Բրիտանիան հարվածներ են հասցրել Եմենի արևմուտքում գտնվող Հոդեյդա քաղաքում գտնվող ռազմածովային բազային։ Այս մասին հայտնում է «ՌԻԱ Նովոստի»-ն՝ հղում անելով կառավարական կառույցների աղբյուրին։

Հունվարի 12-ի գիշերը ԱՄՆ-ն և Մեծ Բրիտանիան հարձակվել են Եմենում հութիական «Անսար Ալլահ» շարժման ավելի քան 60 թիրախների վրա։ Պայթյուններ են տեղի ունեցել մի քանի խոշոր քաղաքներում, իսկ Սանայի օդանավակայանը ենթարկվել է զանգվածային ռմբակոծությունների։ Ամերիկացի զինվորականները հաղորդել են «Tomahawk» թեւավոր հրթիռներով հարձակումների մասին, իսկ բրիտանացիները՝ «Paveway IV» կառավարվող ռումբերով: