Անսթափ վիճակում մեքենա վարողը` սթափությունը ստուգող սարք հիշեցնող հանդերձանքով
Սա թերևս ամենազվարճալի հելոուինյան ձերբակալությունն է: Նեբրասկայի բնակիչ 19-ամյա այս երիտասարդը ձերբակալվել է անսթափ վիճակում մեքենա վարելու համար այն ժամանակ, երբ մեքենայով տուն էր վերադառնում Հելոուինի երեկույթից: Այդ ժամանակ նա կրում էր սթափությունը ստուգող սարք հիշեցնող հանդերձանք:
Մոլեգնած կովը
Այս կինը ձերբակալվել է այն բանից հետո, երբ նա, կովի հանդերձանք հագած, հետապնդել է թաղի երեխաներին և միզել հարևանների շքամուտքին: |
Հարբած Թինքի Վինքին
Հելոուինի երեկույթից հետո «Телепузик» (Ցմփորիկ) Թինքի Վինքիի հանդերձանքով մի մարդ ձերբակալվել է անսթափ վիճակում մեքենա վարելու համար: Ձեր երեխաները հաստատ ծիծաղից կթուլանան, եթե պատմեք նրանց այս պատմությունը:
Անպատկառ զոմբին
Եթե պատրաստվում եք Հելոուինի խնջույքի մասնակցել նուդիստների հանգստավայրում, կարևոր է, որ ձեր չափն իմանաք: Օրինակ` միայն այն, որ դուք զգեստավորված եք սարսափազդու զոմբիի կերպարով, դեռ չի նշանակում, որ դուք կարող եք ձեզ թույլ տալ ձեռք գցել օտար կնոջ կրծքին: Հակառակ դեպքում կհայտնվեք ոստիկանատանը:
Խլիր այդ կոնֆետը
Անցած տարի հինգ դեռահաս ձերբակալվել են գողության և ավազակային հարձակման համար: Նրանք ծեծել են իրենց հետ հելոուինյան կատակներ անողներին և գողացել նրանց կոնֆետը: Անպիտաններ, մի՞թե չգիտեք, որ Հելոուինին անվճար կոնֆետներ են բաժանվում:
Մերկ դդմի մրցարշավը
Տարիներ շարունակ Կոլորադայի Բաուլդերում անցկացվում էր «Ամենամյա մերկ դդումների մրցարշավը», որի ժամանակ բնակիչները հանդես էին գալիս մերկ վիճակում: Նրանց միակ հանդերձանքը իրենց գլխի դդումն էր: Մի քանի տարի առաջ ոստիկանությունը որոշեց, որ այս խեղկատակություններին վերջ դնելու ժամանակն է: Ի՞նչ է, մարդ այլևս չի՞ կարող գլխին դդում դրած մերկ վազվզել:
Մրցավարը ոստիկանական բաժանմունքում
Այս տիկինն այնքան էր տարված իր «սեքսուալ» մրցավարական հանդերձանքով, որ երբ ոստիկանները նրան ուղարկեցին բանտային համազգեստ հագնելու, նա հանդերձարանից ճոճվելով դուրս եկավ ու հարձակվեց ոստիկանների վրա: Երևի չէր կարողանում դուրս գալ մրցավարի դերից: Նրան մեղադրեցին հարձակում գործելու մեջ: Կանայք, այդքան մի տարվեք ձեր հելոուինյան հանդերձանքներով:
Անսթափ վիճակում վարելու համար երկու անգամ կանգնեցված քաղաքական գործիչը
Մարդիկ հաճախ անտեսում են, թե որքան մոտ է Հելոուինը ընտրությունների օրվան: Սակայն Հյուսիսային Կարոլինայի Սուրիի շրջանի բնակիչներն այդ մասին չեն մոռանում: 2010 թ.-ի Հելոուինի ուիքենդին այս շրջանի քաղաքական գործիչներից մեկին երկու անգամ բռնացրել են անսթափ վիճակում մեքենա վարելիս: Սա ցանկացած քաղաքական մրցապայքարում կարող է խոչընդոտ հանդիսանալ: Հուսով ենք, որ նրա Հելոուինի խնջույքներն այնքան լավ էին անցնում, որ արժեր դրանց համար ռիսկի գնալ:
Այլասերվածի կերպարանքը հելոուինյան հանդերձանք չէ
Հայտնի է, որ Հելոուինը կանանց հնարավորություն է ընձեռում գռեհիկ ու սարսափազդու հագուստ կրել: Չեյպել Հիլլի մի տղամարդ որոշեց ինքնուրույն ստեղծել Հելոուինի իր հանդերձանքը, սակայն հանդերձանք ստեղծելու փոխարեն նա ձեռքն առավ տեսախցիկը և ուղևորվեց Հելոուինի խնջույքի: Այնտեղ նա սկսեց վեր բարձրացնել կանանց կիսաշրջազգեստները և տեսախցիկով նկարարահանել նրանց բարեմասնությունները: Լավ կլիներ, որ տեսախցիկով անմիջապես խնջույքին սլանալու փոխարեն նա իր հանդերձանքը կարեր, բայց ոչինչ, բանտում նրան հաստատ ինչպես հարկն է կհագցնեն:
Ամբողջ քաղաքը ձերբակալվում է
Սա նտա Քրուզում Հելոուինի տոնակատարությունները չափազանց բուռն են անցնում: Անցյալ տարի այստեղ Հելոուինին 50 մարդ է ձերբակալվել: |
Արդեն կալանավորի հանդերձա՞նք եք հագել
Այս տղան Հելոուինին կալանավորի հանդերձանք էր կրում: Նույն օրը նա ձերբակալվեց թմրանյութ պահելու մեղադրանքով: Ինչպիսի՜ հեռատեսություն: Նա երևի գիտեր, որ կալանավորվելու է, և նախօրոք համապատասխան հանդերձանք էր հագել:
Արծաթագույն ներկը ձեզ անպարտելի չի դարձնում
Մոռացեք անվտանգության բարձիկների մասին, պարզապես օգտագործեք արծաթագույն ներկ: Հավանաբար այս տղամարդն այս տրամաբանությամբ էր շարժվում, երբ Լաս Վեգասում ավտոմեքենայով բախվեց պատին:
