Հոկտեմբերի 12-ին, կառավարության նիստում մեկնաբանելով արցախահայերի տեղավորման հարցում ստեղծված իրավիճակը՝ Նիկոլը ինքնագոհ տոնով հայտարարել է, թե ի սկզբանե պլան չեն ունեցել, որովհետեւ ԼՂ-ի հայաթափումը երբեք իրենց պլանների ու քաղաքական ցանկությունների, նույնիսկ ճգնաժամային կառավարման տրամաբանության իրենց օրակարգում չի եղել: «Ինչ որ արվել է, արվել է գործնականում օրերի ու ժամերի ընթացքում: Մենք նախապես ոչինչ չէինք պլանավորել, ու միջազգային հանրությունը հիմա զարմանում է, թե մենք ինչպես կարողացանք հաղթահարել հումանիտար ճգնաժամը, ու մեր փողոցներում չենք տեսնում անօթևաններ։ ՀՀ կառավարությունը կարողացել է իր կարճաժամկետ և երկարաժամկետ ծրագրերով նրանց բոլորի կարիքները հոգալ»,-«բլթցրել է» Նիկոլը սեփական ենթակաների ներկայությամբ:

Նիկոլը ստել է. ոչ միայն չի հաջողվում պատշաճորեն հոգալ մարդկանց կարիքները, նրանց տալ հեռանկար, այլև ակնհայտորեն նրանց պլանների մեջ ի սկզբանե մտել է նաև Արցախի հայաթափումը: Օրինակ՝ նույն Աղազարյան Հովիկն իր հարցազրույցներից մեկում հայտարարել էր, որ կարող են և արցախահայերին հանել-բերել Հայաստան. պրոբլեմ չունեն ՀՀ իշխանությունները: Նա դա ասել էր, ինչպես ասում են, Մոսկվայի ջգրու՝ չհասկանալով, որ խնդիրը մերն է, այլ ոչ թե օտարինը, տառապողը մենք են լինելու, այլ ոչ թե Հյուսիսը կամ Արևմուտքը:

Նիկոլը երկար էր գալիս այս օրվան. Արցախը ռումբերի տեղատարափի մեջ անտերության մատնելն ու սեփական քաղաքացիների անվտանգության վրա թքած ունենալը այսպես թե այնպես հանգեցնելու էր արցախահայերի արտագաղթի՝ մի բան, որի մասին երազում էր ոչ միայն Իլհամը, այլև նրա եղբայր Նիկոլը, քանի որ Արցախի թեման առհավետ փակելու նման շանս Աննայի մարդու համար կարող էր է՛լ չլինել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել