News.am-ը գրում է.

Հայկական եկեղեցու վրա հարձակումները, քրիստոնյաների վրա թքելը վերջին շրջանում ծայրահեղ հրեաների հարձակումների շղթայի մի մասն է: Այս մասին NEWS.am-ի հետ զրույցում ասաց Հայ դատի Երուսաղեմի հանձնախմբի  անդամ Հակոբ Սևանը:

«Այս հարձակումները հատկապես քաջալերվում են Նեթհանյահուի կառավարության գալուց հետո, ոչ միայն հայկական եկեղեցու, այլ քրիստոնեական այլ կառույցների վրա նույնպես»,-ասաց նա՝ նշելով, որ այսօրվա միջադեպից մանրամասների չի տիրապետում:

Նշենք, որ լրատվամիջոցները հայտնել էին, որ այսօր մի խումբ հրեա ծայրահեղականներ թքել են Երուսաղեմի հայկական կուսանոցի մուտքի վրա: 2 հայեր դիմադրել են ծայրահեղականներին, որոնք զինված էին դանակով: Միջադեպի հետեւանքով կան տուժածներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել