Երեկ Երևանի Տիկնիկային թատրոնում տեղի է ունեցել բարեգործական համերգ, որին մասնակցել են մի շարք հայ աստղեր:
Այս համերգի նախաձեռնությունը ՛՛Օգնենք հայ մանուկներին՛՛ հասարակական կազմակերպության անդամներինն է, ովքեր 2011 թվականի դեկտեմբերից մինչ օրս կազմակերպել են շուրջ 8 բարեգործական համերգ: ՛՛Այս համեգներից մեկն էլ երեկվա համերգն է, որը նվիրված է փոքրիկ Անգելինային: Այս բարեգործական համերգին իրենց մասնակցությունն են ունեցել երգչուհի Հասմիկ Կարապետյանը, Սուսաննա Պետրոսյանը, Լուսինե Աղաբեկյանը, Արմինկան, Վարդան Բադալյանը, իսկ համերգը վարել է Արտակ Վարդանյանը՛՛:
Ինչպես ArmStar.am-ի հետ զրույցում տեղեկացրեց ՛՛Օգնենք հայ մանուկների՛՛ ՀԿ-ի անդամ Դիաննան, համերգից ստացված ողջ հասույթը փոխանցվելու է փոքրիկ Անգելինայի առողջության վերականգնմանը: Աղջիկն այս պահին գտնվում է Ռուսաստանի Դաշնությունում, բժիշկներն ասել են, որ նրան վիրահատելու համար 20.000 ԱՄՆ դոլար է անհրաժեշտ: ՛՛Մեր համերգից ստացված հասույթն էլ ամբողջությամբ կփոխանցվի Անգելինայի բուժմանը՛՛:
ArmStar.am-ը ներկայանցում է լուսանկարներ տեղի ունեցած միջոցառումից:
Շարունակությունը՝ այստեղ