Ինչպես հայտնի է, ԿԸՀ-ն հրապարակել է Երևանի ավագանու ընտրությունների նախնական արդյունքները, որը շատ իմաստներով կարելի է անակնկալ համարել. միայն ընտրությունների մասնակիցների բացառիկ ցածր թիվը, որ տոկոսային հարաբերակցությամբ չի հատում նույնիսկ 29%-ի շեմը, արդեն իսկ լրջագույն հետևությունների տեղիք է տալիս՝ նկատի ունենալով հատկապես այն, որ այս ընտրությունները չափազանց քաղաքականացված էին. ընտրողները, ըստ էության, ընտրում էին Նիկոլի առաջարկած ապագայի ու նորմալ կյանքի միջև:

Այժմ հնչող գլխավոր հարցը հետևյալն է՝ ինչո՞վ է պայմանավորված մարդկանց անտարբերությունը, ապատիա՞ է, թե՞ մեկ այլ բան: Անկասկած, նման ցածր ցուցանիշը նախևառաջ հավատի բացակայության հետևանք է, հավատի՝ առ ընտրական համակարգ: Մարդիկ զզվել են, իսկ շատերն էլ կարծում են, որ «ընտրություններ» կոչվածը պարզ ֆիկցիա է, և իրենց ձայնից ոչինչ էլ իրականում կախված չէ: Այս մտայնության այսչափ տարածվածութան փաստը կարելի է «դեմոկրատ» Նիկոլի հիմնական «ձեռքբերումներից» համարել: Այդ անտարբերության հետևանքով է նաև, որ ցայսօր Հայաստանի ղեկին Նիկոլն է, որ նույնիսկ այսքանից հետո ՔՊ-ն ձայն է հավաքել. Նիկոլի ընկերը պետք է 0,32% հավաքեր, այլ ոչ թե՝ ավելի քան 32%:

Եղածը եղած է, ու հիմա մնում է տեսնել, թե ընդդիմությունն իրեն ընձեռնված այս շանսն ինչպես կօգտագործի, ինչ հնարավոր փոփոխությունների ընտրությունների այս պատկերը կհանգեցնի կամ կհանգեցնի՞, արդյոք, թ՞ե ոչ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել