News.am-ը գրում է.
Ժամը 06:00-ի դրությամբ՝ ԿԸՀ-ն ավարտել է Երևանի ավագանու (մայրաքաղաքի ներկայացուցչական մարմնի) ընտրությունների ձայների էլեկտրոնային հաշվարկը։ Բոլոր 475 ընտրատեղամասերի արդյունքներն ամփոփվել են։
Ռեկորդային ցածր՝ 28,46% մասնակցությամբ (824250 ընտրողներից միայն 234.553-ն են մասնակցել քեվարկությանը) իշխող «Քաղաքացիական պայմանագիր» կուսակցությունը տարավ Պիրրոսյանհաղթանակ: Նրա օգտին քվեարկել է ընտրողների 32,57%-ը (75463 ձայն), ինչը հնարավորություն չի տալիս այս քաղաքական ուժին ինքնուրույն ընտրել Հայաստանի մայրաքաղաքի քաղաքապետին։ Հիշեցնենք, որ հինգ տարի առաջ «Թավշյա հեղափոխության» էյֆորիայի ֆոնին կայացած մայրաքաղաքային ընտրություններում նրա առաջնորդի քաղաքական ուժը ստացել է 81,06 տոկոս (294109 ձայն), այսինքն՝ ընտրական աջակցությունը զգալիորեն նվազել է։
Սեպտեմբերի 17-ի ընտրություններում վստահ երկրորդ տեղը զբաղեցրել է «Ազգային առաջընթաց» կուսակցությունը, որի ցուցակը գլխավորել է Փաշինյանի նախկին դաշնակից Հայկ Մարությանը, ով երբեք չի թաքցրել իր չափավոր արևմտամետ հայացքները։ «Ազգային առաջընթացի» օգտին քվեարկել է ընտրողների 18,89%-ը (43765 ձայն):
Երրորդ տեղում ռուսամետ «Մայր Հայաստան» դաշինքն է՝ 15,43%-ով (35739 ձայն)։ Չորրորդ տեղը զբաղեցրել է ՀԱՊԿ-ից և ԵԱՏՄ-ից Հայաստանի դուրս գալու կողմնակից «Հանրապետություն» կուսակցությունը, որը, ամենայն հավանականությամբ, կոալիցիա կկազմի երկրում իշխող «ՔՊ»-ի հետ։ Նրան աջակցել է 11,32%-ը (26236)։ Սպասվող անակնկալը հինգերորդ տեղում գտնվող «Հանրային ձայն» կուսակցության բարձր արդյունքն էր՝ 9,68% (22431)։
Մնացած 9 քաղաքական ուժերը չանցան 5 տարի ժամկետով ընտրված Երեւանի ավագանի։ Նրանց միջեւ ձայները, նվազման կարգով, բաշխվել են հետեւյալ կերպ.
«Ապրելու երկիր» կուսակցություն – 3,64% (8425),
«Լուսավոր Հայաստան» կուսակցություն – 1,8% (4174),
«Հաղթանակ» կուսակցություն – 1,71% (3959),
«Արդար Հայաստան» կուսակցություն – 1,12% (2595),
«Հայաստանի եվրոպական կուսակցություն»– 1,11% (2572),
«Ժողովրդավարական համախմբում» կուսակցություն – 1,01% (2348),
«Ուժը հայրենյաց» կուսակցություն – 0,74% (1706),
«Միացյալ Հայաստան» կուսակցություն – 0,55% (1282),
«Հանուն սոցիալական արդարության» կուսակցություն – 0,34 (780):
