Մինսկում ընթանում է Հավաքական անվտանգության պայմանագրի կազմակերպության անդամ երկրների արտաքին գործերի նախարարների խորհրդի նիստը, հայտնում է ԲելՏԱ-ն։
Բացելով հանդիպումը՝ Բելառուսի արտգործնախարար Սերգեյ Ալեյնիկը վստահություն է հայտնել, որ այն կանցնի արդյունավետ, կառուցողական և վստահելի մթնոլորտում։
Հանդիպումից առաջ արտգործնախարարությունների ղեկավարները հանդիպել են Բելառուսի նախագահ Ալեքսանդր Լուկաշենկոյի հետ։
«Դուք առաջին ձեռքից գնահատական ստացաք ներկա ռազմաքաղաքական իրավիճակի, աշխարհաքաղաքական իրավիճակի, ՀԱՊԿ-ում փոխգործակցության վերաբերյալ Բելառուսի մոտեցումների, մեր կազմակերպությունում համախմբվածության և համերաշխության բարձրացման անհրաժեշտության մասին։ Մենք իսկապես շատ լուրջ ենք վերաբերվել ՀԱՊԿ-ում մեր նախագահության նախապատրաստմանը»,- նշել է Սերգեյ Ալեյնիկը։
