Տարոնը, իհարկե, այլասերել է երրորդ նախագահի խոսքերի իմաստը՝ այն հանրությանը մատուցելով Նիկոլին ձեռնտու կերպով, փորձելով ստեղծել տպավարություն, թե իբր նախկին իշխանությունների ու Նիկոլի՝ արցախյան հիմնախնդրի վերաբերյալ ընկալումներն ու առաջարկվող լուծումները նույնական են:
Ադրբեջանի տարածքային ամբողջականության ճանաչման հարցը, շատերը նկատած կլինեն, շատ է շահարկվում այս իշխանությունների կողմից, որոնք փորձում են բանից անտեղյակ մարդկանց մոտ ստեղծել տպավորություն, թե Նիկոլը նոր բան չի անում՝ Արցախը՝ Ադրբեջան հռչակելով:
Այս հարցը վերջնական պարզաբանման կարիք ունի, անշուշտ՝հասկանալու՝ ինչ են նկատի ունեցել նախկին իշխանությունները, ինչ հիմա նկատի ունի Նիկոլը:
Ճիշտ է՝ Հայաստանի բոլոր նախորդ իշխանություններն էլ հայտարարել են, որ խնդիր չունեն Ադրբեջանի տարածքային ամբողջականության հետ: Այստեղ, սակայն, շատ կարևոր է հասկանալ՝ որ Ադրբեջանի, Խորհրդայի՞ն, Մուսաֆաթակա՞ն, թե՞ ԽՍՀՄ փլուզման հետևանքով ի հայտ եկած Ադրբեջանի, որի մաս Արցախը երբեք չի եղել: Ահա հենց այստեղ է խնդրի էությունը. հայտարարելով, որ ճանաչում են Ադրբեջանի տարածքային ամբողջականությունը՝ նախորդ իշխանությունները ճանաչել են ԽՍՀՄ փլուզմամբ ի հայտ եկած Ադրբեջանի տարածքային ամբողջականությունը: Իսկ Նիկոլը, հայտարարելով 86600 քկմ-ի մասին, ըստ էության, ճանաչում է Խորհրդային Ադրբեջանի տարածքային ամբողջականությունը՝ հայտարարելով, որ դրա մաս է նաև Արցախը: Այսիքն՝ եթե ինքը՝Ադրբեջանը, ինքն իրեն համարում է Մուսաֆաթական Ադրբեջանի իրավահաջորդը, ապա Նիկոլը, թաղելու համար Արցախը, խոսում է երբեք անկախ պետություն չհանդիսացած ադրբեջանական ԽՍՀ-ի տարածքային ամաբողջականության մասին՝դրանով իսկ թուրքից ավելի թրքաբարո վարք դրսևորելով:
Բայց սրա մասին ոչ մի ՔՊ-ական, իհարկե, չի խոսի, առավել ևս Չախոյան Տարոնի պես ապիկար մեկը, որին Նիկոլը սարքել է իր ձեռքի տակի աշխատողը՝ հանրային կարծիքի այլասերման հարցում կարևոր դեր ունեցող այս կիսասուբյեկտին ավելի լավ վերահսկելու համար:
Նյութի աղբյուր՝ https://t.me/armeniainfo11/1746
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
