Մամուլը սկսել է ահազանգել, որ Լաչինի միջանցքում ստեղծված իրավիճակով պայմանավորված, ինչպես նաև թուրքերի առաջխաղացման հետևանքով բավական անկայուն ու նույնիսկ գոյաբանական վտանգ է ստեղվել Սյունիքում. մարզը հայաթափվում է: Ասում են՝ բացի գյուղաբնակներից իրենց տները լքել են շտապում հատկապես Գորիսում ապրողները:Ով ինչ ունի-չունի փորձում է արագ վաճառել ու բնակության վայրը փոխել՝կա՛մ գալով Երևան, կա՛մ առհասարակ երկրից դուրս գալով: Բայց քաղաքն այնքան անհրապույր է դարձել, որ մարդիկ չեն կարողանում իրենց ունեցածը գոնե վաճառել. գնորդ չկա:

Նիկոլ-Իլհամ հայադավ զույգի երազանքը, փաստորեն, բավական առաջանցիկ տեմպերով կյանքի է կոչվում. «Արևելյան Զանգեզուր» շինծու տերմինն անընդհատ գովազդող Իլհամը, եթե այսպես շարունակվի, քայլելով տիրանալու է նաև «Արևմտայն Զանգեզուրին»: Վախ կսերմանեն սյունեցիների սրտում, նրանց առնվազը մի մասը կթողնի-կփախչի սեփական բնօրրանից, Հայաստանի հետ կապիտուլյացիոն պայամնագիրը ստորագրելուց եհոտ էլ թուրքերը կսկսեն վերաբնակվել Սյունիքում: Հո Նիկոլը չի՞ բռնելու ու դանց կոտորի կամ էլ ասենք վտարի: Ի՞նչ է անելու Նիկոլը, Նիկոլն ընդամենն արձանագրելու է հայ-ադբեջանական հարաբերությունների «զարթոնքը»՝ այն որպես համազգային մեծագույն նվաճում ներկայացնելով: Տարիների ընթացքում Սյունիքում կփոխվի դեմոգրաֆիական պատկերը՝ դրանից բխող բոլոր քաղաքական հետևանքներով: Այսինքն՝ եթե նույնիսկ տոտալ պատերազմ էլ չլինի ու Սյունիքը մնա Հայաստանի կազմում, ապա դրա գրավումը թուրքերը կիրականացնեն այլ մեթոդներով՝ հիմված Նիկոլի «մարդկային արժեքների» վրա:

Ահա սա է մեզ սպասվում, ա՛յ այսպիսի «պայծառ ապագա»…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել