Պետերբուրգում ավարտված G-20-ի անդամ երկրների գագաթաժողովն ավելի առարկայական դարձրեց մեծ պետությունների հակասությունները Սիրիայի հարցում:
Օբաման եւ Պուտինը բավարարվեցին ընդամենը խորհրդանշական հանդիպումով, որը տեւել է ընդամենը 20-30 րոպե եւ ի ցույց է դրել երկու նախագահների սիրիական հակասությունները:
Եթե մինչ այս պահը Պուտինը հայտարարում էր, որ ԱՄՆ-ը համոզիչ փաստեր չի ներկայացնում, թե քիմիական զենքը օգտագործել է հենց Ասադի ռեժիմը, ապա քիչ առաջ ՌԴ նախագահը քիմիական զենքի օգտագործման մեջ մեղադրել է հենց ապստամբներին:
Սիրական ճգնաժամն ամենախոշորն է՝ սովետական կայսրության փլուզումից եւ երկբեւեռ աշխարհի վերացումից հետո:
Այդ ճգնաժամի հանգուցալուծումը գուցե նպաստի նոր աշխարհակարգի մասին բովանդակային քննարկումների կայացմանը, ՄԱԿ-ի իրական բարեփոխումների իրականացմանը:
