ԱԺ-ում հայտարարելով, թե 24 տարի Հայաստանը շեղվել էր իր ձևավորման բնականոն ուղուց, իսկ 2018-ին մտավ պետության ձևավորման բնական հուն՝ Նիկոլին անբնականորեն քծնող Վիգենը մանրամասնել է, թե ինչ նկատի ունի. իբր նախկինները պետությունը շահագործում էին իրենց «ստամոքսային շահերի» համար: «Արդյուքնում մոտ 100 ընտանիք բարգավաճում էր, բնակչության մոտ 15%-ը բարեկեցիկ ապրում էր՝ մնացած 85%-ի թշվառության ու իրավազրկության հաշվին…»:Միաժամանակ Վիգենը չի մոռացել ճշգրտել, որ այս երևույթը չէր կարող 1 տարում անհետանալ:

Վիգենը, ում ցինիզմի մասշտաբները հասնում են տիտանական չափերի, մոռացել է Նիկոլի նախընտրական խոստումների ցանկը. 2018-ին խոստանում էր խիստ կարճ ժամանակահատվածում, մեկ-երկու որոշմամբ Հայաստանը դրախտի վերածել: Մինչդեռ կարճ ժամանակ անց պետք է պարզվեր, որ Հայաստանում բարգավաճողների ու բարեկեցիկ ապրողների թիվն էականորեն կրճատվել է, իսկ բնակչության հիմնական մասի կացությունը մնում է խիստ ողբալի. գռզոյական Հայաստանում բարգավաճում են միայն իշխանությունների հետ առնչություն ունեցողները, իսկ բարեկեցիկ ընտանիքները մի 5% էլ չեն կազմում, թշվառներն ու իրավազուրկներն էլ գերազանցում են 95%-ի շեմը՝ հստակորեն աճող բացասական դինամիկայով: Այսինքն՝ եթե նախկինների օրոք Հայաստանը սոցիալական դրախտ չէր, ապա այսօր այն վերածվել է մաքուր տարտարոսի, և դա՝ Հայաստանին պատած փորձություններին Նիկոլի ոչ համարժեք կեցվածքի պատճառով: Ճիշտ է՝ Վիգենն այս խայտառակ վիճակը համարել է 1 տարում չլուծվող, սակայն ակնայտ է, որ նույնիսկ 100 տարին բավական չի լինելու Նիկոլին ու նրա թիմին՝ երկիրը ոտքի հանելու. նախ՝ նման ցանկություն չունեն, հետո՝ է՛լ երկիր էլ չի մնալու, որ մի բան էլ ոտքի հանեն:

Նախկինում, ճիշտ է, խնդիրներ իսկապես կային, բայց այն ժամանակ գոնե պետութուն կար՝ մոտ 42000քկմ տարածքով: Այսօր այդ 42000քկմ-ի հետքն էլ չի մնացել, իսկ նույն 29000-ի մասին մեզ մնում է միայն երազել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել