Մինչ բոլորի ուշադրությունը կենտրոնացված է Վարդապետյան Աննայի ընկերուհու կարիերային դեգերումների ուղղությամբ, մամուլի ուշադրության կենտրոնում է հայտնվել նախկին ՄԻՊ Գրիգորյան Քիսոյի խորհրդավոր ճակատագրի հարցը. հերիք չէ՝ պարզ չէ՝ երբ է սկսելու գործել Արտաքին հետախուզական ծառայությունը, որի մասին օրենքը ուժի մեջ էր մտել դեռ անցյալ տարի՝ դեկտեմբերի 31-ին, դեռ մի բան էլ, ըստ տեղեկությունների, Քիսոն է շարունակում դրսերում զվռնել՝ տալով կասկածելի ենթարությունների տեղիք. ասում են՝ նա արևմտյան հատուկ ծառայություններից մեկի կողմից այժմ ինստրուկտաժի է ենթարկվում, դասընթացներ է անցնում, պարապում, որ հետո գալով Հայաստան՝ անմիջապես իր ձեռքը վերցնի նորաստեղծ ծառայության ղեկը: Թե կոնկրետ որ երկրում է անցնում «հետախույզ» Քիսոն իր «կյանքի դասերը», գաղտնի է պահվում:

Ծառայությունը, որ գործելու է արևմտյան հովանու ներքո, ակամա դառնալու է մի յուրատեսակ հակակշիռ ռուսական ազդեցության տակ գտնվող ԱԱԾ-ին: Ավելին՝ ԱԱԾ-ի մի կարևոր գործառույթ, փաստորեն, փոխանցվելու է Քիսոյի կողմից կառավարվելիք օղակին, ինչը Հայաստանի նման երկրի համար բավական ռիսկային քայլ է՝ հաշվի առնելով հատկապես այն, թե ով է լինելու ԱՀԾ-ի ղեկավարը:

ԱՀԾ-ի ստեղծման նպատակը, ըստ էության, մեկն է՝ հայկական սփյուռքի պոտենցիալը արևմտյան հատուկ ծառայությունների տրամադրության տակ դնելը. հայկական սփյուռքը միշտ էլ մեծ հետաքրքրություն է ներկայացրել օտարերկյա հատուկ ծառայությունների համար, և հայտնի է, որ ասենք նույն ԽՍՀՄ ՊԱԿ-ը բավական ակտիվորեն է օգտագործել սփյուռքի ներուժը՝ դրսում ԽՍՀՄ շահերն առաջ մղելու, արտաքին հետախուզության հնարավոությունները ընդլայնելու: Հիմա,ըստ երևույթին, եկել է արևմտյան հատուկ ծառայությունների հերթը՝ Նիկոլի ձեռամբ ընդլայնելու սեփական հանարավորությունները:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել