Pastinfo.am-ը գրում է.

Էներգետիկայի և բնական պաշարների նախարար Արմեն Մովսիսյանն այսօր, պատասխանելով գազի գնի վերանայման հնարավորությանը վերաբերող հարցին, հակիրճ բայց միանշանակ պատասխան է տվել. «Չէ, նույնը կմնա»:

Հիշեցնենք, դեռևս 2 ամիս առաջ, անդրադառնալով Մաքսային միությանը Հայաստանի անդամակցության խնդրին, նախարար Մովսիսյանն ասել էր. «Մաքսային միությունը ձեռնտու է այն առումով, որ մենք Ռուսաստանից ներմուծում ենք միջուկային վառելիք և գազ»: 

Այս հայտարարությունը հիմք էր տվել մեկնաբանությունների, որ միությանն անդամակցելու դիմաց Հայաստանը կարող է ՌԴ-ից գազի էժանացում ակնկալել:

Նախարարի այսօրվա խոսքից, սակայն, պարզ է դառնում, որ գազի էժանացմանը սպասելն անիմաստ է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել