Փորձելով հիմարի տեղ դնել ողջ հայ հանրությանը՝ Նիկոլի լամուկ Չախոյան Տարոնը հռետորական հարց է բարձրացրել ուղիղ եթերում, թե բա՝ եթե խոսում եք բանակցողին փոխելուց, բա այդ դեպքում ո՞վ է բանակցելու Ալիևի հետ, Քոչարյա՞նը, որ Մեղրիի փոխանակման պլանի շուրջ էր բանակցում, թե՞ Սարգսյա՞նը, որ ձեռքբերում էր համարում Ադրբեջաнի հետ ձեռք բերված այն պայմանվորվածությունը, ըստ որի՝ 5 շրջանների վերադարձից հետո պետք է հանրաքվե տեղի ունենար ԼՂ-ում:

«Հռետոր» Տարոնը, իհարկե, բարոյականության բոլոր սահմaները գերզանցել է նարցիսիստ շեֆի թելադրանքով՝ վերջինիս թյուրիմացաբար հռչակելով՝ անկրկնելի: Ընդ որում՝ նկատվում է շատ կոնկրետ թիրախավորում՝ ուղղված հասարակության անկիրթ շերտերին, որոնց շրջանում ցայսօր Նիկոլը համարվում է անփոխարինելի: Տարոնը դասական մանիպուլյատիվ հնարքով փորձել է խորացնել այդ շերտերի մոտ առկա վտանգավոր նախապաշարմունքները՝ նախորդ նախագահներին դեմոնիզացնելով:

Մի հարց էլի՝ Տարոնը գո՞հ է Հայաստանի ու ներկա վիճակից, գո՞հ է այն «ձեռբերումներից», որ ունեցել է «բանակցային արվեստի գուրու» Նիկոլը պատերազմից հետո ու դրանից առաջ: Եթե Նիկոլը հանճարեղ ու անկրկնելի բանակցող էր, ինչո՞ւ տեղի ունեցավ պատերազմը, պատերազմից հետո էլ՝ այն ինչին ականատես է դառնում աշխարհը՝ խոշոր հաշվով թքած ունենալով: Սերժ Սարգսյանի բանակցային ժառանգությանը հավան չի՞ Տարոնը, իսկ ի՞նչ է ժառանգելու բոլորիս Նիկոլը, ազատ ու անկախ Արցա՞խ, թե՞ գերզարգացած Հայաստան: Հիմա կերազեր Նիկոլը, որ կյանքի կոչվեր «Լավրովի պլանը», մինչդեռ պարզորոշ կերպով տեսնելով իր արկածախնդրության հետևանքները՝ Նիկոլը պատերազմի տարավ երկիրը՝ Իլհամին քարտ-բլանշ տալով, որ Թուրքիային մտցնի Անդրկովկաս, իսկ հետո էլ Հայաստանը դարձնի Տաճկաստանի մի մաս:

Նույնիսկ Ենոքավանի քուչեքի շներն ավելի լավ կպաշտպանեն Հայաստանի շահը, քան դա անում է Նիկոլը՝ Իլհամի կողմից նսեմացված…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել