Հետևություններ Արմեն Գրիգորյանի փնթի և հապճեպ կազմակերպված «սուտի» հերքումից

Առաջին իսկ պահից անսպասելի հարվածից շոկի մեջ ընկած իշխանական ֆեյքա-ՊՈԱԿա-պատգամավորական կույտը հետո փորձեց կենտրոնանալ Արմեն Գրիգորյան կոչվող արցախուրաց արարածի՝ հատուկ այս թեմայով կազմակերպված հարցազրույցում հնչած թեզի շուրջ, և սկսեց այն մանիպուլացնել:

Հատուկ եմ տեղադրում տվյալ էակի այդ հարցին վերաբերող հարցազրույցի հատվածը և խնդրում եմ լսեք ուշադիր:

1. Արմեն Գրիգորյանը չի կարողանում անվանել այդ փաստաթուղթը կեղծ:

2. Արմեն Գրիգորյանը չի՛ կարողանում իմ կողմից հրապարակված ապացույցը չկոչել փաստաթուղթ:

3. Արմեն Գրիգորյանը չի՛ կարողանում ուղիղ պատասխանել այն հարցին՝ տեսե՞լ է Հայաստանի իշխանությունն նման թուղթ, թե՞՝ ոչ:

4. Արմեն Գրիգորյանն այդքանից հետո ընդամենը փորձ է անում «ֆռռացնել», թե ՀՀ իշխանությունները նման փաստաթղթի շուրջ չեն բանակցում:

Հետևություններ Արմեն Գրիգորյանի փնթի և հապճեպ կազմակերպված «սուտի» հերքումից.

1. Իմ կողմից հրապարակված նյութը փաստաթղթի հատված է:

2. Այն կեղծ չէ:

3. Հայաստանի իշխանություններն այդ թղթից տեղյակ էին:

4. Հավատա՞լ այս և նախորդ ստերից հետո Նիկոլ Փաշինյանի ոհմակի ներկայացուցիչներին, որ նրանք չեն բանակցում, թե՞՝ ոչ, որոշեք ինքներդ:

Ճշմարտությունը թաքցնել չեք կարող, այն հորդում է անկախ ձեր կամքից և հույս ունեմ՝ վերջնականապես բացելու է հայ ժողովրդի աչքերը: