Դահլիճում հավաքվել են բազմաթիվ գեղեցկուհիներ, ովքեր ցանկանում են «Վիա Գրա» խմբում տեղ ստանալ:
Դրա համար նրանք պարում են, երգում, պատմում պատմություններ իրենց կյանքից, որպեսզի տպավորություն թողնեն Կոնստանդին Մելաձեի վրա:
Նկարահանումների ժամանակ խմբի պրոդյուսերն ու կոմպոզիտորը՝ Կոնստանդին Մելաձեն, և նախագծի ռեժիսոր ու պրոդյուսեր Ալան Բադոևը հիանում են քաստինգի եկած մասնակիցներով:
Առաջին օրը ժյուրիի հետ միասին, բացի Իգոր Վերնիկից և Կոնստանդին Մելաձեից, այնտեղ էր նաև «Վիա Գրա»-ի նախկին անդամը՝ Ալյոնա Վիննիցկայան:
Ինչպես պատմել է նախագծի ռեժիսոր և պրոդյուսեր Ալան Բադոևը, Կոնստանդին Մելաձեն և անձնակազմն արդեն ընտրել են տարբեր մասնակիցների, և այս փաստն էլ ավելի է թեժացնում հետաքրքրությունը շոուի հանդեպ:
«Երբեմն ես զարմանում էի Կոնստանդին Մելաձեի ընտրության վրա, բայց նա հստակ գիտի, թե ինչ աղջիկներ են հարկավոր խմբին», - խոստովանում է Ալանը:
Շոուի վարողին՝ Վերա Բրեժնևային, համարել են նախագծի ամենաաշխատասեր անդամը: Վերան հենց առաջին օրը հեռացել է հարթակից գիշերվա ժամը մեկին, իսկ հաջորդ օրը ժամանել է վաղ առավոտյան և առանց հապաղելու սկսել է գրել յուրաքանչյուր մասնակցի խոսքերը:
Վերան ոչ միայն շփվում է յուրաքանչյուր մասնակցի հետ, այլև խորհուրդներ է տալիս, թե ինչ հագնել շոուի ժամանակ և նույնիսկ մի քիչ զվարճացնում է չափազանց լարվաճ մասնակիցներին:
«Ես շատ լավ եմ հասկանում, թե ինչքան են աղջիկները նյարդայնանում, բայց ես փորձում են նրանց մի քիչ քաջալերել և զվարճացնել, որպեսզի նրանք իրենց ավելի ազատ զգան և ցույց տան ժյուրիի առջև այն ամենը, ինչ կարող են», - ետնաբեմում պատմել է Վերան:
Երկրորդ օրը Ալյոնա Վիննիցկային ժյուրիում փոխարինել է Նադեժդա Մեյհերը: Երգչուհին շոուի ամենապահանջկոտ անդամներից մեկն է: Նա ոչ միայն ցույց է տալիս թերությունները, այլև խորհուրդներ է տալիս, թե ինչպես շտկել դրանք:
Նախագծի վարող Վլադիմիր Զելենսկին միշտ գտնվում է բեմի վրա և երկրորդ օրը նույնիսկ հաջողացրել է պարել Նադեժդայի հետ, երբ մասնակիցներից մեկը ազգային ուկրաինական երգ էր երգում:
Շոուի մասնակիցները շատ տարբեր են: Ոմանք հանդես են գալիս ազգային ուկրաինական հագուստներով, մյուսները` գեղեցկության մրցույթների հաղթողներ են և շատ ուրիշներ:
