1in.am-ը գրում է.

ԱՄՆ նախկին պետքարտուղար Հիլարի Քլինթոնը համաձայն է նախագահ Բարաք Օբամայի՝ Սիրիային հարվածելու առաջարկության հետ: Այս մասին Քլինթոնի ներկայացուցիչը հայտնել է Politico թերթին:

«Քլինթոնն աջակցում է Կոնգրեսին ներգրավելու նախագահի ջանքերը, որպեսզի Ասադի սարսափելի ռեժիմի դեմ հզոր և պատասխան հարված նախապատրաստվի»,- ասել է թերթի զրուցակիցը: 

Նախագահ Բարաք Օբաման Կոնգրեսին խնդրում է արտոնել Սիրիայում ռազմական միջամտությունը՝ ի պատասխան օգոստոսի 21-ի դեպքերի: ԱՄՆ-ի տվյալներով՝ այդ օրը Սիրիայի կառավարական զորքերը քիմիական զենք են կիրառել խաղաղ բնակչության դեմ, ինչի հետևանքով զոհվել է ավելի քան 1.4 հազար մարդ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել