1in.am-ը գրում է.

Ամերիկացի սենատորները մտադիր են փոփոխություններ մտցնել Սպիտակ տան կողմից առաջարկված բանաձևի նախագծում, որն արտոնում է ռազմական գործողությունները սիրիական ռեժիմի դեմ: Այս մասին լրագրողներին հայտնել է դեմոկրատ սենատոր Պատրիկ Լիհին՝ փոխանցում է Politico ն:

Նրա խոսքով՝ շատ օրենսդիրներ կարծում են, որ վարչակազմի առաջարկում հստակությունը բավարար չէ: Բանաձևը պետք է գրվի ավելի հստակ, որպեսզի այն ընդունվի՝ կարծում է սենատորը:

Օբաման շաբաթ օրը օրենսդիրներին էր ուղարկել ռազմական օպերացիային հավանություն տալու պաշտոնական հայց: Համաձայն բանաձևի նախագծի՝ Պենտագոնի խնդիրն է սիրիական ռեժիմին զրկել զանգվածային ոչնչացման զենքի կիրառման հնարավորությունից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել