Մինչ ՔՊ-ական խունտան ամեն գնով փորձում է հայ հանրությանը համոզել, թե իբր Արցախն Ադրբեջանին տալու գնով հնարավոր կլինի զսպել Բաքվի ախորժակն ու հասնել տարածաշրջանում կայուն խաղաղության՝ այն էլ թուրք-արևմտյան հովանոցի ներքո, իրենք՝ ադրբեջանցիները, սեփական հայտարարություններով ցրում են ՔՊ-ականների քարոզչական մշուշը՝ հայերիս իրականություն վերադարձնելով:

Մասնավոապես՝ Ադրբեջանական իշխող «Յենի Ազերբայջան» ֆրակցիայի պատգամավոր Էլման Մամեդովը հայտարարել է, թե «Հայաստան կոչվող պետության» ներկայիս ամբողջ տարածքը իրենց պատմական հողն է, ուստի Հայաստանը պետք է տա իր տարածքները որպես փոխհատուցում՝ Ադրբեջանի դեմ «ռազմական հանցագործությունների» դիմաց:

Իլհամի մանկլավիկի պահանջատիրական կոչերը հատկապես ուշագրավ են հնչում՝ նկատի ունենալով խաղաղության այն գործընթացը, որ այժմ ընթանում է գլխավորապես Արևմուտքի հովանու ներքո: Փաստորեն՝ Իլհամը մի կողմից բանակցում է ու Նիկոլով հրճվում, իսկ ահա նրա պատգամավորները բացառիկ անկեղծություն են դրսևորոմ՝ բաց տեքստով հայտարարելով, թե որն է իրենց գլխավոր նպատակը. եթե նույնիսկ մեկ ժամ հետո Նիկոլը ստորագրի բոլոր անհրաժեշտ փստաթղթերը, դա ոչ թե զսպելու է, այլ է՛լ ավելի է բացելու Բաքվի ախորժակը, որի բուն նպատակը տարածաշրջանից հայերի վերացումն է ընդհանրապես:

Հարց՝ արդյոք Պրահայում Նիկոլի բանավոր խոստումների հետևանք չէ՞ ադրբեջանցի պատգամավորի ծայրահեղական հայտարարությունը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել