Նիկոլի ստատուսչի Տարոնը շեֆի ինքնախոստովանությունից հետո բարձրացած ժողովրդական ցասման ալիքը համարել է ընդդիմության սարքածը՝ վերջինիս մեղադրելով «սրիկայության» համար: «Ոմանք, նենգորեն ու չարամտորեն խեղաթյուրելով վարչապետի խոսքերը, փորձում են երկրում ստեղծված իրավիճակում հակաիշխանական ալիք ձևավորել, այնինչ վարչապետն էլ իր խոսքում շեշտել է, որ չի պատրաստվում ստորագրել մի թուղթ, որը կհակասի Հայաստանի պետական շահերին: Իսկ Հայաստանի սահմանների վրա ադրբեջանական ագրեսիայի պարագայում ու երկրում ստեղծված այս իրավիճակում վարչապետի խոսքերը մանիպուլացնելն ու իշխանության զավթման նպատակով ալիք բարձրացնելը ոչ այլ ինչ է, քան հակապետական սրիկայություն»,-գրել է Նիկոլի միանգամյա օգտագործման առարկան:

Տարոնը, ցավոք, դեռ բիթի չէ՝ ինչ է կատարվում երկրում: Նա կարծում է, թե գործ ունի ինչ-որ կառավարելի պրոցեսի հետ, որը սկիզբ են դրել ընդդիմադիրները՝ իշխանություն վերցնելու նպատակով: Այնինչ այն, ինչ կատարվեց երեկ գիշերը, ոչ մի կապ չուներ քաղաքական ընդդիմության նախաձեռնողականության հետ. բացառապես գործ ունենք ինքնաբուխ երևույթի հետ, որը հետևանքն է ոչ միայն պատերազմի, այլև՝ դրան իշխանությունների վերաբերմունքի. երկիրը տառացիորեն ձեռքից գնում է, իսկ Նիկոլը ԱԺ ամբիոնից հասարակությանը նախապատրաստում էր կապիտուլյացիայի:

Հարց՝ այսքանից հետո ո՞վ է սրիկան, ընդդիմությո՞ւնը, թե՞ Տարոնը: Իշխանություն զավթելու նպատակ ընդդիմությունն իր առաջ չի դրել, այլ ընդամենը փորձել է դառնալ արտահայտիչն այն արդար ցասման, որը ստիպել է տարոններին կծել իրենց լեզուներն ու բռնել անարդյունք չքմեղանքի ճանապարհը՝ շեֆին անհարմար դրությունից ինչ-որ կերպ փրկելու համար:

Միակ բանը, որը սրանց վախ է ներշնչում, իշխանության կորստի վտանգն է, իսկ այն, որ ասենք երկրի կեսը թուրքը զավթում է, տարոններին ցավ ու անհանգստություն բնավ չի պատճառում, ինչը, իհարկե, զարմանալի չէ. թուրքը թուրքից վախ չունի…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել