1in.am-ը գրում է.

Կալիֆոռնիայի հյուսիսում լայնամասշտաբ անտառային հրդեհները, որոնք բռնկվել էին 2 շաբաթ առաջ, տարածվել են դեպի Յոսեմիթի ազգային պարկի խորքը: Այդուհանդերձ, հրշեջները հայտարարում են, որ իրենց հաջողվել է մարել հրդեհի 30 տոկոսը: Այս մասին հայտնում է BBC-ն:

Հրշեջները կրակի դեմ պայքարում են արևելքից՝ փորձելով կանխել կրակի տարածումը դեպի Յոսեմիթի հովիտ: Նրանց ջանքերին խոչընդոտում է տեղանքի դժվարհասանելի ռելիեֆը:

Հրդեհի ընդգրկած տարածքի արևմուտքում հրշեջները փորձում են թույլ չտալ կրակի տարածումը դեպի ավելի քան 4000 տներ: Իշխանությունների փոխանցմամբ՝ հրդեհն ամբողջովին հաղթահարելու համար կպահանջվի մեկ շաբաթ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել