Պաքու սուրիահայերը Արցախ հաստատելու հարցը պիտի բարձրացնէ ԵԱՀԿ-ի ԽՎ-ի ժողովին:
ՊԱՔՈՒ, «Էյ.Փի.Էյ.».- ԵԱՀԿ-ի Խորհրդարանական վեհաժողովին (ԽՎ) մօտ Ատրպէյճանի պատգամաւորական խումբի նախագահ Պահար Մուրատովա երեքշաբթի, օգոստոսի 27-ին յայտարարեց, թէ իր պատուիրակութիւնը ԵԱՀԿ-ի ԽՎ-ի յաջորդ նիստին ընթացքին օրակարգի նիւթ պիտի դարձնէ սուրիահայերը Արցախ հաստատելու աշխատանքները՝ Արցախը որակելով «ատրպէյճանական բռնագրաւեալ տարածքներ»:
Մուրատովա, որ նաեւ Ատրպէյճանի խորհրդարանի փոխնախագահն է, աւելցուց, որ արտաքին գործոց նախարարութիւնը արդէն իսկ այս կապակցութեամբ բողոքագիր մը յղած է ՄԱԿ-ին՝ գաղթականներու նման տեղափոխում մը «ապօրինի» նկատելով: Ան կրկնեց, թէ Հայաստան պէտք է վերջ դնէ սուրիահայերը Արցախ հաստատելու աշխատանքին:
Նյութի աղբյուր՝ https://www.facebook.com/shahea.ajemian/posts/322639394548837
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
