Տրամաբանությունը հուշում է, որ Մոսկվան այնպիսի սադրանք պիտի կազմակերպի, որը Ադրբեջանին կդրդի գնալ ավելի հուժկու գործողության

Ըստ տրամաբանության, Մոսկվան հիմա պիտի ցույց տա, որ իրենց Արցախի խնդրից հեռացնել հնարավոր չէ: Հետևաբար Արցախում պետք է ադրբեջանցիքին սադրանքների դրդել: Երեկ Փարուխի մոտ գտնվող Սարդարաշենի համայնքապետը հայտարարեց, որ ադրբեջանցիները առաջացել են գյուղի ուղղությամբ: Այս լուրը հետո հերքվեց, թեպետ այն ամբողջովին արտացոլում էր իրականությունը (առաջացման մոտավոր պատկերը քարտեզի վրա ներկայացրել եմ): Ավելին` երեկ մեր տղերքից մեկը ոտքի վիրավորում է ստացել` Փարուխից արձակված դիպուկահարի կրակոցից: Այս լուրը առհասարակ կոծկվեց: Ակնհայտ է, որ Եվրոպան փորձում է իրավիճակը հանդարտ պահել, ինչն էլ պատճառ է հանդիսանում այս տեղեկատվական բլոկադայի:

Տրամաբանությունը հուշում է, որ Մոսկվան այնպիսի սադրանք պիտի կազմակերպի, որը Ադրբեջանին կդրդի գնալ ավելի հուժկու գործողության: Գործողության, որի պարագայում կընդգծվի ռուսների կարևոր դերը իրավիճակը կայուն պահելու գործում: Մոտավոր հասկանալի է, թե ինչ է նախաձեռնելու Մոսկվան, մնում է տեսնենք` կարձագանքի արդյոք Ալիևը...