Armenpress.am-ը գրում է.

Մեծ Բրիտանիայի վարչապետ Բորիս Ջոնսոնը հայտարարել է, որ Ռուսաստանի նախագահ Վլադիմիր Պուտինին իշխանությունից հեռացնելը բրիտանական կառավարության նպատակը չէ: «Արմենպրես»-ի փոխանցմամբ, այս մասին նա խոսել է բրիտանացի խորհրդարանականների հետ նիստին՝ պատասխանելով ՌԴ-ում իշխանություններին փոխելու ու Պուտինին հեռացնելու մասին հարցին:

«Դա Մեծ Բրիտանիայի կառավարության նպատակը չէ»,- ասել է նա:

Մեկնաբանելով ԱՄՆ նախագահ Ջո Բայդենի՝ Վարշավայում արած հայտարարությունն այն մասին, որ ՌԴ առաջնորդը «չի կարող մնալ իշխանության», Ջոնսոնը հայտարարել է, որ հասկանում է, թե ինչու է նա նման բան ասել, սակայն այլ մանրամասներ չի հաղորդել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել