Lurer.com-ը գրում է.

Շոումեն Գարիկ Մարտիրոսյանն իր նոր ծրագրով կարող է փոխարինել Իվան Ուրգանտին և Առաջին ալիքի նրա «Երեկոյան Ուրգանտ» հաղորդմանը։ Այս մասին հայտնում է «Экспресс-газета»-ն։

Ավելի վաղ հայտնի էր դարձել, որ Իվան Ուրգանտը լքել է Ռուսաստանը։ Նրա «Երեկոյան Ուրգանտ» շոուն արդեն մի քանի շաբաթ է, ինչ եթեր չի հեռարձակվում։ Այս կապակցությամբ համացանցում ակտիվորեն քննարկվում է այն հնարավորությունը, որ «Երեկոյան Ուրգանտը» այլեւս չի հեռարձակվի Առաջին ալիքով։

Սակայն այս տեղեկությունը հերքել է հեռուստաալիքը, իսկ ինքը՝ Ուրգանտը, խոստացել է շուտով վերադառնալ։ «Ոչ մի խուճապ: Ինձ թողեցին արձակուրդ գնալ, բայց ես կվերցնեմ ու շուտով կվերադառնամ»,- գրել է նա։

Լրագրողների կարծիքով, Մարտիրոսյանի մասնակցությամբ նոր շոու կարող է դուրս գալ աշնան սկզբին։ Հումորիստն իբր կատակել է, թե «Վանյային հաճոյանալու» համար հաղորդումը կանվանի «Շուրջօրյա Մարտիրոսյան»։

Նշենք, որ այս տեղեկատվության պաշտոնական հաստատում դեռ չկա։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել