Armeniasputnik.am-ը գրում է․
Ադրբեջանական AZAL-ը Հայաստանին մոտ 32 հազար եվրո է վճարել Նախիջևան թռիչքների համար։
Գումարը ներառում է 2021 թվականի հոկտեմբեր-դեկտեմբեր ժամանակահատվածի համար մատուցված ծառայությունների արժեքը, Sputnik Armenia-ին հայտնել են Հայաստանի Քաղաքացիական ավիացիայի կոմիտեի մամուլի ծառայությունից։
«Հայտնում ենք, որ 2021 թվականի հոկտեմբերի 6-ից մինչև 2021 թվականի դեկտեմբերի 31-ն ընկած ժամանակահատվածում AZAL ավիաընկերության կողմից ՀՀ օդային տարածքով իրականացված թռիչքների աերոնավիգացիոն ծառայությունների մատուցման դիմաց «Հայերոնավիգացիան» ՓԲ ընկերությանը վճարվել է 31.901,77 եվրո՝ ԵՎՐԱԿՈՆՏՐՈԼ միջազգային կազմակերպության մայրուղային գանձումների կենտրոնական գրասենյակի միջոցով»,- ասված է կոմիտեի պատասխանում։
Հիշեցնենք, որ Ադրբեջանի ազգային ավիափոխադրողը սկսել է օգտագործել Հայաստանի օդային տարածքը անցյալ տարվա հոկտեմբերի 6-ից։
