«Ինչպես հայտնի է, ՄԻՊ Արման Թաթոյանի պաշտոնավարման ժամկետը լրանում է 2022 թվականի փետրվարի 23-ին։ Օրերս հայտնի դարձավ, որ Նիկոլ Փաշինյանն արդեն որոշում է կայացրել Թաթոյանի փոխարեն ՄԻՊ-ի պաշտոնում «նշանակել» արդարադատության փոխնախարար Քրիստիննե Գրիգորյանին։
«Փաստ» թերթի տեղեկություններով, Գրիգորյանի թեկնածության հետ կապված իշխանական թիմում ոչ միանշանակ վերաբերմունք է եղել. շատերը դժգոհել են, որ նա, մեղմ ասած, այդքան էլ նախընտրելի թեկնածու չէ, և նշանակումից հետո այդ տարբերությունը նկատելի է լինելու, առավել ևս՝ Թաթոյանի հետ համեմատած։
Ավելին, մեր աղբյուրի փոխանցմամբ, տեսակետ է հնչել, որ այդ նշանակումից հետո իշխանությունները հերթական անգամ հայտնվելու են քննադատության թիրախում՝ թե՛ մասնագիտական որակների տեսակետից, թե՛ այն առումով, որ Գրիգորյանը որակվելու է որպես իշխանությունների կամակատար, «սրտի ՄԻՊ», այսինքն՝ ոչ անկախ»,-գրում է թերթը:
Նյութն ամբողջությամբ կարդացեք թերթի այսօրվա համարում։
