Tert.am-ը գրում է․
Ֆինանսների նախարարությունն իր հաշվարկներն անելիս փորձում է լինել հնարավորինս խոհեմ և դիտարկել հնարավորինս ռեալիստական և մի քիչ էլ հոռետեսական սցենարները։ Եկեք սպասենք տարվա վերջին։ Այս մասին լրագրողների հետ ճեպազրույցում ասաց էկոնոմիկայի նախարար վահան Քերոբյանը՝ անդրադառնալով ֆինանսների նախախար Տիգրան Խաչատրյանի հայտարարությանը, որ, հավանաբար, 6,5 տոկոս տնտեսական աճ չի լինի, կլինի մինչև 6 տոկոս։
Հարցին՝ Էկոնոմիկայի նախարարությունը չի՞ փորձում խոհեմ լինել, թե՞ ավելի ռոմանտիկ պատկերացումներ ունի, նախարարն արձագանքեց․ «Ես կասեի՝ լավատես․ ռեալիստ՝ դեպի լավատես»,-ասաց նա։
Հարցին՝ եթե Խաչատրյանի ասածը ճիշտ լինի, և տնտեսական աճ չլինի, Քերոբյանը հրաժարական կտա՞, վերջինս պատասխանեց․ «Ես արդեն 10 անգամ պատասխանել եմ այդ հարցին»։
Անդրադառնալով գյուղատնտեսությանը՝ Քերոբյանը հայտնեց, որ առաջին երեք եռամսյակների տվյալներով 1,5 տոկոս տնտեսական անկում կա գյուղատնտեսության մեջ։
Ամբողջական հոդվածը կարող եք կարդալ այստեղ
