Ֆրանսիայի կառավարությունը հայտարարել է ամսական 2000 դոլար կամ ավելի ցածր եկամուտ ունեցող յուրաքանչյուր քաղաքացու 100-ական եվրո միանվագ վճարելու մասին: Ինչպես հայտնում է BBC News-ը, այս քայլն ուղղված է վառելիքի և էներգիայի գնաճը հաղթահարելուն:

«Գնաճով պայմանավորված նպաստ» կստանա մոտավորապես 38 մլն ֆրանսիացի, այդ թվում՝ նրանք, որոնք մեքենա կամ մոտոցիկլետ չունեն:

Առաջին վճարումները կհատկացվեն բիզնես ոլորտի աշխատողներին դեկտեմբերին, իսկ քաղծառայողները, ուսանողները և թոշակառուներն իրենց հասանելիք աջակցությունը կստանան 2022-ի սկզբին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել