Իրանը շարունակում է Ադրբեջանի և Թուրքիայի սահմանին զորքերի և զինտեխնիկայի տեղակայումը

Այս զորաշարժին զուգահեռ՝ տեղեկատվություն տարածվեց, որ ԻԻՀ Անվտանգության նախարարն այցելել է Արևմտյան Ատրպատական նահանգ, տեղում ունեցել մի շարք կարևոր հանդիպումներ և խորհրդակցություններ։

Միևնույն ժամանակ, Արևմտյան Ատրպատական նահանգից վերջին շրջանում հաճախակիացել են Թուրքիաից և Իրաքից դեպի Իրան ահաբեկչական տարբեր խմբավորումների ներթափանցման փորձերը, որոնք, ճիշտ է, կանխվում են ԻԻՀ ուժային կառույցների կողմից, բայց Իրանի հյուսիս-արևմուտքում ստեղծում են անվտանգային մթնոլորտ՝ միտում ունենալով տարածվել ողջ երկրով մեկ։

Ըստ երևույթին՝ նաև այս հանգամանքները հաշվի առնելով է, որ Իրանը ավելացնում է հատկապես Թուրքիայի սահմանին իր զորքերի տեսակը և թվաքանակը։