ԱՄՆ Ներկայացուցիչների պալատն ընդունել է օրինագիծը, որով պահանջում է Ադրբեջանից անհապաղ ազատ արձակել բոլոր հայ ռազմագերիներին: Օրինագիծը ներկայացրել են Ներկայացուցիչների պալատի 16 անդամ՝ կից զեկույցով, որտեղ թվարկվում է Ադրբեջանի կատարած ռազմական հանցագործությունները՝ ներառյալ ապօրինի զինամթերքի և քիմիական զենքի՝ սպիտակ ֆոսֆորի օգտագործումը խաղաղ բնակչության դեմ:
ԱՄՆ Ներկայացուցիչների պալատի ընդունած օրինագիծը պահանջում է նաեւ անցկացնել հետաքննություն՝ օգտագործելով ամերիկյան տեխնոլոգիաներն ու քննել թուրքական Բայրաքթարները, որոնք օգտագործվել են հայ խաղաղ բնակչության թիրախավորման համար 2020 թվականի Արցախյան պատերազմում:
Ուսումնասիրության արդյուքով կազմվելու է զեկույց եւ փորձագետներն ու օրենսդիրները չեն բացառում հստակ պատժամիջոցներ «Բայրաքթարների» դեմ։
Օրինագիծն առաջարկում է նաեւ ուսումնասիրել վարձկանների ներգրավման, օգտագործման, ֆինանսավորման և վերապատրաստման դեմ միջազգային կոնվենցիան, որն, ըստ ամենայնի, խախտվել է ղարաբաղյան երկրորդ պատերազմի ժամանակ եւ ինչպես նշվում է փաստաթղթում՝ Ադրբեջանը, Թուրքիայի օժանդակությամբ, վարձկան ահաբեկիչներից կազմված խմբավորիւմներ է ներառել ռազմական գործողություններում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել