Սա Սիսակ Գաբրիելյանն է ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահը (Video)

Ի դեպ, Սիսակը՝ Նարեկ Գրիգորյանի և Վահագն Ալեքսանյանի հետ, լեգեոներների այն եռյակի կազմում էր, որ ձեռքները բռունցքած, իսկ ոտքը հարվածի պատրաստ իջավ ամբիոնի մոտ՝ Նիկոլի մոտ հավատարմության ջարդահանդես կազմակերծելու և հաշվեհարդար դեսնելու ընդդիմադիր մեկ այլ պատգամավորի նկատմամբ, որը իշխանությանը քննադատելու «համարձակություն» էր ունեցել։

Հավանաբար, հրապարակային «հավատարմության» սույն առաջամարտիկը ՔՊ խմբակցության ամենակրթված և «կուլտուրականներից» մեկը լինելու համարումն ունի։

Օրերս քաղաքական մեծամասնությունը նրան ընտրեց իմ կարծիքով ԱԺ ամենակարևոր հանձնաժողովներից մեկի՝ ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ։

Այսօր հանրապետության շուրջ 37 հազար առաջին դասարանցիներ ոտք դրեցին դպրոց։ Վաղը մի քանի տասնյակ հազար աշակերտներ, ուսանողներ, ուսուցիչներ ու դասախոսներ կմտնեն ուսումնական հաստատություններ՝ վստահ, որ նորընտիր Ազգային Ժողովում կրթական և մշակութային խնդիրները ապահով ձեռքերում են, որ Սփյուռքի հետ մեր հարաբերությունները օրենսդրական հրաշալի լուծումներ կստանան, որ երիտասարդության և սպորտի հարցերը այնքան կարժևորվեն, որ արտագաղթելու մասին մտածող էլ չի լինի։

Դե ինչ, սիրելի հայրենակիցներ, շնորհավոր սեպտեմբերի 1․ ամենամեծ ոլորտներ ընդգրկող և մեր հոգևոր անվտանգության հարցերով զբաղվող ԱԺ հանձնաժողովը արժանի ձեռքերում է։

Կեցցեն գիտելիքն ու լույսը!!!!