Հայ-ադրբեջանական սահմանի հյուսիս-արևելյան հատվածում մարտեր են ընթանում․ ՊՆ

Հայ-ադրբեջանական սահմանի հյուսիս-արևելյան հատվածում մարտեր են ընթանում: Տեղեկությունը հայտնում է ՀՀ պաշտպանության նախարարության մամուլի ծառայությունը։ 

«Հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիս-արևելյան հատվածում: Ընթանում են տեղային մարտեր: Իրադրության սրման ամբողջ պատասխանատվությունն ընկնում է Ադրբեջանի ռազմաքաղաքական ղեկավարության վրա»,-ասված է հաղորդագրության մեջ:

2-րդ հաղորդագրությամբ ՀՀ պաշտպանական գերատեսչությունը տեղեկացնում է, որ ժամը 06։00-ի դրությամբ, ադրբեջանական սադրանքի արդյունքում հայ-ադրբեջանական սահմանի հյուսիս-արևելյան ուղղությամբ ծավալված տեղային մարտերը շարունակվում են։