ՀՀ երրորդ նախագահ, ՀՀԿ նախագահ Սերժ Սարգսյանն իր և Հանրապետական կուսակցության անունից շնորհավորական ուղերձ է հղել Չինաստանի Ժողովրդական Հանրապետության նախագահ, Չինաստանի Կոմունիստական կուսակցության կենտրոնական կոմիտեի գլխավոր քարտուղար Սի Ծինփինին՝ ՉԺՀ Կոմունիստական կուսակցության կազմավորման 100-ամյակի առթիվ՝ մաղթելով նախագահ Սի Ծինփինին և նրա կուսակցական գործընկերներին քաջառողջություն, երջանկություն և նորանոր հաջողություններ աշխատանքում ՝ ի շահ բարեկամ Չինաստանի ժողովուրդի:
«Հայաստանի Հանրապետական կուսակցության համար Չինաստանի Կոմունիստական կուսակցությունը միջազգային կարևոր գործընկերներից է:
Մենք շատ բարձր ենք գնահատում այն փաստը, որ 2017 թվականի նոյեմբերին մեր պատվիրակության Պեկին կատարած այցի ընթացքում ստորագրվեց համագործակցության հուշագիր ՀՀԿ-ի և ՉԿԿ-ի միջև, որն ամուր հիմք դարձավ մեր կուսակցությունների հետագա, խորը և համապարփակ գործընկերության համար»,-ասված է Սերժ Սարգսյանի շնորհավորական ուղերձում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել