Հոլիվուդյան հայտնի շիկահեր Շարլիզ Թերոնը փոխակերպվել է Netflix- ի «Բարու և չարի դպրոց» նոր նախագծում նկարահանվելու համար: Աստղը մազերը գազարագույն է ներկել ու համապատասխան լուսանկարները տարածել Instagram- ում:

Շարլիզը մարմնավորելու է Լեսո անունով չարագործի դերը, որի փարթամ սանրվածքը հիշեցնում է 1930-ականների դարաշրջանը:

«Չարը հանգստություն չունի: Չեմ կարող համբերել, թե դուք վերջապես երբ հանդիպեք Լեդի Լեսոյին», – գրել է Թերոնը սոցցանցում:

Բարու և չարի դպրոցը Սոման Չայնանիի վիպաշարի կինոադապտացիան է:

Ֆիլմը, որի ռեժիսորն է Փոլ Ֆիգը, պատմում է երկու աղջիկների՝ Ագաթայի և Սոֆիի մասին, որոնք ընկնում են խորհրդավոր անտառում գտնվող կախարդանք սովորելու դպրոց։ Շերոնի հետ ֆիլմում նկարահանվել է Քերի Վաշինգտոնը: Նա ստացել է դրական կերպարի դեր:

Հեքիաթային պատմության պրեմիերան նախատեսված է 2022 թվականին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել