Hraparak.am-ը գրում է.
Նիկոլ Փաշինյանն այսօր ԱԺ ամբիոնից նորից դիմեց մանիպուլիացիայի` փորձելով իր վրայից ցրել պատերազմում մեր կրած խայտառակ պարտության և հողերը հանձնելու պատասխանատվությունը: Նա նախ հարց հնչեցրեց` նորմա՞լ է, որ իր մասին ասում են, թե տարավ 5 հազար երեխու գլուխ կերավ: Ապա նշեց, որ այդ պատերազմն իր ընտանիքի կողքով էլ է անցել, ու հիշեցրեց` իր որդին ևս կռվել է առաջնագծում: «Իմ որդին եղել է այն առաջնագծում, որտեղ մենք ամենաշատ զոհն ենք տվել»,-ասաց Փաշինյանը:
Նշենք, որ պատերազմից հետո մամուլում, նաև տարբեր անձանց կողմից տարածվեցին տեղեկություն այն մասին, որ Փաշինյանի որդուն կրակի տակից ազատելու համար բազմաթից զոհեր ենք տվել, և որ նրան անգամ առաջնագծում զինվորական հագուստով, շարքային զինվորի անվան տակ թիկնապահներ էին ուղեկցում, որ ապահովեն նրա անվտանգությունը:
Փաշինյանը թերևս դա նկատի ուներ`ասելով, որ ամենաշատ զոհն ենք տվել այդտեղ:
