Գլոբալ տաքացումը պատերազմների կհանգեցնի. հետազոտություն

1in.am-ը գրում է.

Գլոբալ տաքացումը կհանգեցնի գլոբալ հակամարտությունների և բազմաթիվ պատերազմների՝ հաղորդում է Fox News-ը՝ հղում անելով հետազոտությանը, որը հրապարակվել է գիտական Science ամսագրում:

Ըստ գիտնականների՝ ջերմաստիճանի բարձրացումը հանգեցնում է երաշտների և մարդկային ագրեսիվության աճի, իսկ որպես հետևանք՝ միջազգային ատելության և գլոբալ հակամարտությունների:

Հետազոտողները համարում են, որ մինչև 2050 թվականը պատերազմների, անկարգությունների և գողությունների թիվը կավելանա 4 անգամ: Այդ երևույթը կվերաբերի ոչ միայն «երրորդ աշխարհի» երկրներին, այլև մնացած բոլորին: