Վատիկանում՝ հռոմեական նեկրոպոլիսում հնէաբանները հայտնաբերել են մի քանի նոր գերեզմաններ, որոնք թվագրվում են հին հռոմեացի կայսրեր Ներոնի և Հուլիոս Կեսարի կառավարման ժամանակաշրջաններին։ Այս մասին հայտնում է Jerusalem Post-ը։
Գիտնականները գտել են շուրջ 250 թաղման զոհասեղան, այդ թվում՝ հռոմեական էլիտայի և ազատ արձակված ստրուկների գերեզմանների շիրմաքարեր։
Հռոմեական նեկրոպոլիսը գտնվում է Վատիկանի բլրին՝ հին Հաղթական ճանապարհի մոտակայքում։ Հնէաբաններն ուսումնասիրել են միայն տարածքի մի մասը՝ շուրջ 1000 քմ։
Մարդկանց մնացորդներով լցված բազմաթիվ գերեզմանները թվագրվում են I-IV հարյուրամյակներին և ներառում են շիրմաքարեր, դիմանկարներ, հանգուցյալների անուններով քանդակված սարկոֆագեր, ինչպես նաև վերգետնյա կառույցներ։
Նեկրոպոլիսի արևելյան հատվածում գտնված հուշարձան-գերեզմաններից շատերի վրա արված են գառումներ, որոնք հանգուցյալի կյանքի վերաբերյալ արժեքավոր տեղեկություններ են հաղորդում գիտնականներին։
Հնթաբաններ հայտնաբերել են նաև երկու շքեղ զոհասեղան, որոնք թվագրվոմ են Ներոնի կառավարման տարիներին։
