Մայրը «Կոշ» ՔԿՀ-ում գտնվողն որդուն թմրանյութ է տարել

1in.am-ը գրում է.

Հայաստանի Արդարադատության նախարարության «Կոշ» քրեակատարողական հիմնարկում, օգոստոսի 5-ին, դատապարտյալ Գ. Չ.-ին կարճատեւ տեսակցության այցելած մոր` Ա. Ա.-ի անձնական խուզարկության ժամանակ տաբատի գոտկատեղի ներսի հատվածից հայտնաբերվել եւ առգրավվել է պոլիէթիլենային թաղանթով փաթեթավորված փաթեթ, որում առկա է եղել 1 հատ 1000 ՀՀ թղթադրամ, իսկ թղթադրամի մեջ` պոլիէթիլենային երկու փաթեթներ:

Վերոհիշյալ երկու փաթեթներից յուրաքանչյուրի մեջ եղել է 2 հատ սպիտակ, օվալաձեւ, «B8» գրառմամբ 4 դեղահաբ: Փորձաքննությամբ պարզվել է, որ հայտնաբերված 4 դեղահաբերը միասին պարունակում են 0.03 գրամ «Բուպրենորֆին» տեսակի թմրամիջոց:

Կատարվում է հետաքննություն: