Յուրաքանչյուր օր ունի իր ժամերը, որոնք, սովորաբար, կազմում են 24 ժամ։ Ժամանակի հաշվարկին մշտապես հետևում են ատոմային ժամացույցները՝ բարձրագույն ճշգրտությամբ։ Նման ժամացույցների շնորհիվ հաջողվել է իմանալ, որ ոչ միշտ է երկրային ժամանակը համապատասխանում արեգակնային ժամանակին՝ մոլորակի պտույտների պատճառով։ Երկրի վրա ժամանակը մի վայրկյան ավելի երկար է տևում։

Սակայն 2020 թ. օրերը, ըստ կատարված հաշվարկների, առավել կարճ են։ Անգամ գրանցվել է ռեկորդային կարճություն ունեցող օր՝ հուլիսի 5-ը։ Այդ օրը մեր մոլորակն ամբողջական պտույտ է կատարել իր առանցքի շուրջ 1,0516 միլիվայրկյանով ավելի արագ, ինչը չի համապատասխանում օրվա միջին տևողությանը։ Մի քանի օրում 28 անգամ ռեկորդային ցուցանիշներ են գրանցվել, և դա վկայում է այն մասին, որ օրերը ստանդարտ 24 ժամվա փոխարեն կարճացել են 0,5 միլիվայրկյանով։ Իհարկե ոչ էական, սակայն սա խախտում է նորմայից և մի շարք հետևանքների կարող է հանգեցնել։

Տարբեր գիտնականներ այս երևույթի տարբեր պատճառաբանություններ են փորձում գտնել։ Սակայն առավել համոզիչն այն է, որ հիմնական պատճառը գլոբալ տաքացումն է։ Սառցադաշտերի հալման հետևանքով փոփոխվում է մոլորակի մակերևույթի վրա ամեն ինչի բաշխումը, և դա Երկրին ստիպում է առավել արագ պտտվել։ Սակայն այս տեսությունը ևս քննադատությունների է արժանացել։ Այնուամենայնիվ, սառցադաշտերը շարունակում են հալչել և մեծ վտանգ հասցնել մոլորակին։

0,5 միլիվայրկյանի փոփոխությունը, թվում է, նշանակալից չէ, սակայն, այնուամենայնիվ, այն շեղում է։ Չէ՞ որ արբանյակներն ու նավիգացիոն համակարգերը աշխատում են արեգակնային ժամանակով, և անգամ միլիվայրկյանները կարող են խաթարման պատճառ դառնալ։ Նման երևույթը գիտական աշխարհը չի կարող թույլ տալ, այդ իսկ պատճառով մեծ ջանքեր են այսօր գործադրվում՝ ատոմային ժամերը նոր փոփոխություններին համապատասխանեցնելու համար։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել