Armenpress.am-ը գրում է․
Գերմանիայի Հյուսիսային Ռեյն-Վեստֆալիա դաշնային հողի նախարար Արմին Լաշետը պաշտոնապես ընտրվել է Գերմանիայում իշխող կոալիցիայի մեջ մտնող Քրիստոնյա-դեմոկրատական միության (ՔԴՄ) նախագահ: Ինչպես տեղեկացնում է «Արմենպրես»-ը,վկայակոչելով «ՏԱՍՍ»-ը, հունվարի 15-16-ին տեղի ունեցած համագումարի պատվիրակների քվեարկության վերջնական արդյունքներն ամփոփել են կուսակցության գլխավոր քարտուղար Պաուլ Ցիմիակը եւ Բունդեսթագի անդամ Թոմաս դե Մեզյերը:
Անցած շաբաթ տեղի է ունեցել պատվիրակների օնլայն քվեարկությունը ։ Բոլոր թեկնածուները, ներառյալ պահպանողականների խմբակցության նախկին առաջնորդ Ֆրիդրիխ Մերցը եւ Բունդեսթագի արտաքին քաղաքականության հարցերով հանձնաժողովի ղեկավար Նորբերտ Ռեթգենը, ավելի վաղ հայտարարել էին, որ ճանաչում են քվեարկության արդյունքները:
