Մեր բոլոր քաղաքական նախաձեռնությունները մեռելածին են: Պատճառն իրականությունը հասկանալ չկարողանալն է:
Ես ունեմ իմ չափորոշիչները, որոնցով պարզում եմ մեռելածին լինելը: Օրինակ, եթե նախաձեռնությունն օրակարգային կետ է սահմանում նախկինների վերադարձը չթույլատրելը, ապա ես դադարում եմ հետևել այդ նախաձեռնությանը՝ վստահ լինելով, որ այն էական փոփոխություն չի բերի երկրին:
Ինչու՞ եմ այդպես կարծում:
Նման հայտարարությունից ինձ համար պարզ է դառնում, որ այդ նախաձեռնությունն անկարող է գիտակցել, որ այն ամենը, ինչ եղել է 3-րդ հանրապետության տարիներին, անխուսափելի էր: Անկարող է գիտակցել, որ 1000 տարի օտարի լծի տակ մնալուց հոգեմտավոր շեղումներ ունեցող ժողովրդին հանրապետություն խցկելու դեպքում քաոս է լինելու:
Անկարող է գիտակցել, որ նման ժողովրդին կապիտալիզմի կայացման վայրի փուլ մտցնելու դեպքում անխուսափելի է լինելու ստորին կրքերի հրաբուխը, ունեցվածք ձեռք բերելու դաժան մրցավազքը: Անկարող է գիտակցել, որ վայրի կրքերի այդ հորձանուտն ընկած ժողովրդին ընտրությունների տանելու դեպքում բախումներ են լինելու: Օբյեկտիվ, խորքային այս պատճառները տեսնել անկարող, տեղի ունեցած ամենը մի քանի անձերով պայմանավորող նախաձեռնությունն անկարող կլինի հաշվի առնել այդ պատճառների ավերիչ ազդեցությունը և ինքը ևս կխորտակվի դրանց հորձանում:
Մեզ փոփոխություն կբերի այս երևույթները ճանաչող, դրանց հաղթահարելու ծրագիր ունեցող նախաձեռնությունը:
Նյութի աղբյուր՝ https://www.facebook.com/a.pepanyan/posts/10225276663527556
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
