Aysor.am-ը գրում է.
Ղազախստանի իշխող «Նուր Օթան» կուսակցության նախագահ Նուրսուլթան Նազարբաևը կարծում է, որ Ասկար Մամինը պետք է մնա հանրապետության վարչապետ: Ազգի առաջնորդն այս կարծիքը հայտնել է հունվարի 14-ին՝ խորհրդարանում կուսակցության խմբակցության նիստում:
«Իմ կարծիքն այն է, որ պետք է պահպանել շարունակականությունը: Չնայած բոլոր դժվարություններին՝ կառավարությունն իր գործն արել է: Մնացած բոլոր երկրների ֆոնին մենք լավ արդյունքներ ենք ցույց տվել: Եթե նախագահն առաջարկում է Մամին Ասկար Ուզակպաևիչին, ապա ես խնդրում եմ խմբակցությանը սատարել նրա թեկնածությունը», - հայտարարել է նա:
Խորհրդարանական ընտրությունների անցկացումից հետո կառավարությունը պետք է հրաժարական տա: Սակայն այժմ պարզ է, որ վարչապետն, ամենայն հավանականությամբ, կպահպանի իր աթոռը:
Ամբողջական հոդվածը կարող եք կարդալ այստեղ