Սիրիայի հյուսիս-արևելքում գտնվող Հասեկե նահանգի Ռաս ալ-Այն քաղաքի շուկայում ահաբեկիչները պայթեցրել են ականապատ մեքենա: Այս մասին հայտնում է ՏԱՍՍ-ը՝  սիրական լրատվամիջոցներին հղումով:

Նշվում է՝ ահաբեկչության հետևանքով խաղաղ բնակիչների շրջանում կան զոհեր և վիրավորներ: Դեպքի վայր ժամանած շտապօգնության մեքենաները տեղափոխում են տուժածներին:

Ռաս ալ-Այնը գտնվում է թուրքական զորքերի, ինչպես նաև պաշտոնական Անկարայի կողմից աջակցվող սիրիական զինված ընդդիմադիր խմբավորումների վերահսկողության տակ հայտնված տարածքի սահմանին:

Հիշեցնենք՝ ավելի վաղ հաղորդվել էր Հասեկե նահանգի համանուն վարչական կենտրոնում պայթյունի մասին: Այս դեպքում ահաբեկիչը նռնակ էր նետել շուկայի հրապարակում գտնվող աշխատողների վրա, որի հետևանքով առնվազն 20 մարդ տարբեր աստիճանի մարմնական վիրավորումներ էր ստացել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել