Armeniasputnik.am-ը գրում է․
Ռուսաստանի Դաշնության նախագահ Վլադիմիր Պուտինն իր այսօրվա ասուլիսի ժամանակ հայտարարեց, որ Ղարաբաղի կարգավիճակը պետք է անփոփոխ մնա ու որոշվի ապագայում։
Նա անդրադարձավ նաև հրադադարի խախտման թեմային։
«Ղարաբաղում հրադադարի խախտումը եզակի է եղել։ Հուսով ենք, որ այդպիսին էլ կմնա»,– ասաց նա։
Պուտինը կրկին հայտարարեց, որ Ռուսաստանը հնարավոր է` ավելացնի իր խաղաղապահ զորակազմը, բայց միայն կողմերի հետ համաձայնեցումից հետո։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
