Հայաստանում ռուս պայմանագրային զինծառայողի մարմին է հայտնաբերվել՝ առանց բռնության նշանների:
Ինչպես փոխանցում է ТАСС գործակալությունը՝ վկայակոչելով ՌԴ ԶՈւ Հարավային ռազմական օկրուգի մամուլի ծառայությանը, զինծառայողի մարմինը հայտնաբերվել է զորամասի տարածքից դուրս: Հետաքննություն է անցկացվում:
«Հարավային ռազմական օկրուգի՝ Հայաստանի Հանրապետությունում գործող ռուսական ռազմաբազայի հրամանատարության հանձնաժողովն իրավապահ մարմինների հետ համատեղ հետաքննություն է վարում պայմանագրային զինծառայողի մահվան առնչությամբ: Կյանքի նշաններ ցույց չտվող զինծառայողի մարմինը հայտնաբերել է ծառայակիցը զորամասի տարածքից դուրս: Բռնի մահվան հետքեր զինծառայողի մարմնի վրա չեն հայտնաբերվել»,- հայտնել են Հարավային ռազմական օկրուգից:
Մամուլի ծառայությունից հավելել են, որ կատարվածի հանգամանքները պարզվում են:
